Team-ը առաջինը տարածաշրջանում կանջատի 2G-ն՝ փոխարինելով այն առաջադեմ տեխնոլոգիաներով․ գործում է նոր հեռախոսների տրամադրման հատուկ ծրագիր
Team Telecom Armenia-ն հայտարարում է բջջային ցանցի օպտիմալացման և արդիականացման նոր լայնածավալ նախագծի մեկնարկի մասին։ Նպատակ ունենալով էապես բարձրացնել կապի որակը և թվային միջավայրի անվտանգությունը Հայաստանի ողջ տարածքում՝ ընկերությունը 2025թ․ նոյեմբերի 15-ից կդադարեցնի 2G ցանցի շահագործումը։
Երկրորդ սերնդի բջջային ցանցը, որը Հայաստանում գործարկվել է 30 տարի առաջ՝ դեռևս 1995 թվականին, այլևս չի համապատասխանում ժամանակակից պահանջներին, և այն թվային առավել անվտանգ և արդյունավետ ծածկույթ ապահովող տեխնոլոգիաներով փոխարինելու ժամանակն է:
2G-ի անջատման արդյունքում ազատված հաճախականությունները, ենթակառուցվածքները, սարքավորումներն ու ծրագրային ռեսուրսները թույլ կտան շատ կարճ ժամանակում էապես ընդլայնելու 4G և 5G ծածկույթներն ամբողջ Հայաստանում, այդ թվում՝ հեռավոր բնակավայրերում։ Ընկերության՝ 1000-ից ավելի բազային կայանները կաշխատեն բացառապես արդի տեխնոլոգիաներով՝ բաժանորդներին տրամադրելով բջջային կապի և ինտերնետի ավելի հուսալի ու արագ հասանելիություն։
«Կարևորելով նորագույն տեխնոլոգիաների՝ ճիշտ ժամանակին ներդրման ու օպտիմալացման անհրաժեշտությունը՝ մենք առաջինն ենք պատրաստ կրելու այս պատասխանատվությունը՝ նորարարական լուծումներն էլ ավելի հասանելի դարձնելով մեր բաժանորդներին։ Այս քայլը հնարավորություն կտա արդիականացնելու բջջային ծածկույթը, բարձրացնելու ցանցի արդյունավետությունը և էականորեն բարելավելու ծառայությունների որակը»,-ասում է Team Telecom Armenia-ի գլխավոր տնօրեն Հայկ Եսայանը:
2G ցանցի պայմաններում բաժանորդներին գրեթե հասանելի չէին շարժական ինտերնետի ծառայությունները, ինչը սահմանափակում էր ժամանակակից հաղորդակցման գործիքներից օգտվելու հնարավորությունը։ Նոր սերնդի ցանցերը ոչ միայն թույլ են տալիս միաժամանակ օգտվելու ինչպես ձայնային, այնպես էլ ինտերնետ ծառայություններից, այլև զգալիորեն ավելի էներգախնայող են և թույլ են տալիս նվազեցնելու ազդեցությունը շրջակա միջավայրի վրա։
Այս օպտիմալացումն իրականացվում է Team Telecom Armenia-ի կողմից նախկինում հայտարարված շարժական ցանցի արդիականացման ռազմավարության շրջանակում, որի նպատակն է ապահովել առաջադեմ, հասանելի և կայուն կապ Հայաստանի ամբողջ տարածքում։
Ծառայությունների անխափան հասանելությունն ապահովելու նպատակով ընկերությունը այն բաժանորդներին, որոնք վերջին երեք ամիսներին օգտագործել են միայն 2G ցանցում աշխատող հեռախոսներ, հնարավորություն կընձեռի ստանալու նոր տեխնոլոգիաներով աշխատող բջջային հեռախոսներ։ Ծրագրի մանրամասներին կարող եք ծանոթանալ այստեղ։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը