Տեղեկացված չենք՝ պետական համակարգում ո՞վ է զբաղվում այս հարցերով, կամ արդյո՞ք որևէ մեկը զբաղվում է, թե՞՝ ոչ. անhետ կորած անձանց հարազատները Կառավարության դիմաց են
Կառավարության շենքի դիմաց հավաքվել են 2023 թվականի սեպտեմբերի պատերազմի, պայթյունի հետևանքով անհայտ կորածների, հաստատված գերի հանդիսացող անձանց հարազատները, ինչպես նաև անձինք, որոնց հարազատները զոհվել են Արցախում և հուղարկավորված են այնտեղ:
Արցախի ՄԻՊ Գեղամ Ստեփանյանը լրագրողների հետ զրույցում ասել է, որ տևական ժամանակ աշխատանքներ են տարվել խնդիրը բարձրաձայնելու, արտաշիրմում կազմակերպելու և անձանց աճյունները ՀՀ տեղափոխելու ուղղությամբ: Նա նշել է, որ հավաքի հիմնական նպատակը Կառավարություն նամակ փոխանցելն է, որից հետո քայլելու են դեպի ԱԱԾ շենք, որտեղ ևս նամակ կփոխանցվի:
«Ուզում եմ տեղեկացնել, որ ձևավորված էր խողովակ՝ պետական կառույցների հետ աշխատանքների առումով, ավելի կոնկրետ՝ «Գերիների, պատանդների և անհայտ կորած անձանց» հարցերով զբաղվող միջգերատեսչական հանձնաժողովը, ղեկավարում էր նախկին ԱԱԾ պետ Արմեն Աբազյանը: Հարազատները ունեցել են հնարավորություն հանդիպումներ ունենալու, ստացել են հավաստիացումներ, որ այդ ուղղությամբ աշխատանքներ տարվում են, որոշակի պայանավորվածություններ փորձ է արվում ձեռք բերել, բայց փաստն այսօրվա դրությամբ այն է, որ Արմեն Աբազյանի պաշտոնաթողությամբ պայմանավորված, մինչև հիմա որևէ մեկս տեղեկացված չենք՝ պետական համակարգում ո՞վ է զբաղվում այս հարցերով, կամ արդյո՞ք որևէ մեկը զբաղվում է, թե՞՝ ոչ: Արդյո՞ք Կառավարությունը պլանավորու՞մ է որևէ պաշտոնյա կամ որևէ պետական մարմին այս ուղղությամբ նշանակել կամ հանձնարարել, որպեսզի շարունակեն», - խնդիրը մանրամասնել է Արցախի ՄԻՊ-ը:
Հարազատները ցանկանում են, որ այդ հարցերի քննարկմանը Աբազյանը շարունակի ներգրավվածություն ունենալ, քանի որ մինչ պաշտոնաթողումը ինքն է տարել քննարկումները:
Նրանք պահանջում են, որ խողովակը վերականգնվի և տեսանելի արդյունքներ նշմարվեն:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը