ՄԻՊ-ի հանձնարարությամբ այցեր են իրականացվել Սյունիքի մարզի զորամասեր
ՄԻՊ ներկայացուցիչները Մարդու իրավունքների պաշտպանի հանձնարարությամբ օգոստոսի 19-22-ն այցեր են իրականացրել Սյունիքի մարզում տեղակայված զորամասեր, ՊՆ N զորամիավորում, զինվորական հոսպիտալ, զինկոմիսարիատ, ինչպես նաև Ռազմական ոստիկանության բաժիններ՝ զինծառայողների իրավունքների ապահովման վիճակին ծանոթանալու, մշտադիտարկում իրականացնելու, ինչպես նաև Պաշտպանին հասցեագրված բողոքների քննարկումը պատշաճ իրականացնելու նպատակով։
Այցերի ընթացքում դիտարկվել են զինված ուժերում մարդու իրավունքներին վերաբերելի մի շարք հարցեր, այդ թվում՝ սոցիալական ապահովության, ԶՈՒ-ում կանանց իրավունքների, ատեստավորման գործընթացի, զորամասերի կենցաղային պայմանների, դեղորայքային համալրվածության, բուժսպասարկման, զինծառայողների առողջական վիճակով պայմանավորված` սահմանափակումների հոդվածների պահպանման, կարգապահության պատշաճ ապահովման, դպրոցների կողմից զինկոմիսարիատ, այնուհետև զորամասեր ուղարկվող բնութագրերի, վարժական հավաքների ներգրավվող քաղաքացիների իրավունքների, զինծառայողների բնակարանային ապահովման, ծառայողական բնակարանների վերանորոգման ու նոր բնակարանների կառուցման, զինծառայողների հիգիենայի, ներառյալ առավել հաճախակի լոգանգ ընդունելու, ազատ արձակումների, արձակուրդների, հոսպիտալի կադրային ու գործիքային համալրվածության և այլնի վերաբերյալ:
ՄԻՊ ներկայացուցիչները հանդիպումներ են անցկացրել զորամիավորման հրամանատարի, զորամասերի հրամանատարական կազմերի, զինվորական հոսպիտալի պետի, Սյունիքի մարզի զինվորական կոմիսարի, Ռազմական ոստիկանության բաժինների պետերի հետ: Քննարկվել են զինծառայողների և նրանց ընտանիքների իրավունքներին վերաբերելի և ոլորտի լավարկմանը միտված մի շարք հարցեր:
Պաշտպանի ներկայացուցիչները զորամասեր իրականացրած այցերի շրջանակում առանձնազրույցներ են ունեցել նաև պարտադիր ժամկետային զինծառայողների հետ, ուսումնասիրել նրանց կողմից ներկայացվող հարցերը՝ կապված բուժօգնության, արձակուրդի տրամադրման, կարգապահության բարձրացման, ընտանիքի անդամներին առնչվող տարաբնույթ հարցերի հետ և այլն: Զինծառայողների բարձրացրած մի շարք հարցերի տեղում տրվել են լուծումներ:
Ինչպես սպայակազմի, այնպես էլ պարտադիր ժամկետային զինծառայողների ներկայացրած մի շարք հարցեր հաշվառվել են Մարդու իրավունքների պաշտպանի աշխատակազմում, դրանք կամփոփվեն և համապատասխան լուծումների առաջարկներով հնարավորին սեղմ ժամկետում կներկայացվեն գործընկեր պետական իրավասու մարմիններին:
Որպես զինված ուժերի նկատմամբ արտաքին վերահսկողություն իրականացնող անկախ սահմանադրական մարմին՝ Մարդու իրավունքների պաշտպանի առանձնահատուկ ուշադրության ներքո շարունակելու են գտնվել զինծառայողների և նրանց ընտանիքների անդամների իրավունքների հետ կապված հարցերը, և այդ նպատակով տարբեր զինվորական հաստատություններ ու զորամասեր այցերը շարունակելու են կրել պարբերական բնույթ:
Անահիտ Մանասյանը գնահատում է Պաշտպանության նախարարության հետ ձևավորված փոխվստահելի ու արդյունավետ համագործակցությունը, որի շրջանակում լուծվում են զինծառայողների կողմից բարձրացվող` մարդու իրավուքներին վերաբերելի բազմաթիվ հարցեր։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը