Զինծառայողի մասնակցությամբ տեսանյութի առթիվ նշանակվել է ծառայողական քննություն․ ՊՆ

Համացանցում և լրատվամիջոցներում մոտոցիկլիստի ու բանակային դիրքի զինծառայողների մասնակցությամբ տեսանյութ է տարածվում: Այս մասին ֆեյսբուքյան իր էջում գրում է ՀՀ ՊՆ մամուլի խոսնակ Արամ Թորոսյանը։

«Հայտնում ենք, որ այդ կապակցությամբ նշանակվել է ծառայողական քննություն՝ դեպքի հանգամանքները պարզելու նպատակով»,-գրել է նա:

Հիշեցնենք, որ տեսանյութ էր տարածվել սոցցանցերում, որտեղ Շվեյցարիայի քաղաքացի, ոմն Սանդրո Շմիդի վերջերս այցելել է Հայաստան։ Նա շրջել է մոտոցիկլետով և հասել մարտական դիրքերից մեկը, որտեղ նրան դիմավորել են հայ զինծառայողներ։ Տեսանյութում հայ զինվորականները հատուկ պահպանվող տարածք մուտք գործած օտարերկրացուն ձերբակալելու փոխարեն զրույց են ունենեցել օտարերկրացու հետ՝ օգտագործելով անպարկեշտ արտահայտություններ։