Երեխայի կրթության որակով մտահոգ ծնողները կկարողանան մի փոքր ջանք դնել. ԿԳՄՍ նախարարը՝ դասերը 08:15-ին մեկնարկելու մասին
Այո՛, երկուշաբթի օրվանից Երևանի հանրակրթական դպրոցներում ուսումնական գործընթացը կսկսվի 08:15: Ես չեմ կարծում, որ սա որևէ մեծ ու էական փոփոխություն է կրթական պրոցեսի համար, բայց սա կարող է մեծ փոփոխություն բերել տրանսպորտային հոսքերի ավելի արդյունավետ կառավարման համար և առաջին հերթին թույլ կտա խցանումների մեջ չընկնել դպրոց գնացող մեր երեխաներին։ Այս մասին ասել է ԿԳՄՍ նախարար Ժաննա Անդրեասյանը՝ Գիտության, կրթության, մշակույթի, երիտասարդության և սպորտի հարցերի մշտական հանձնաժողովի նիստի ժամանակ:
«Բոլորովին օգտակար չէ, երբ որ երեխան դպրոցի ճանապարհին տևական ժամանակ անցկացնում է մեքենայում, որովհետև նա հասնում է դպրոց ավելի հոգնած, ավելի մեծ խնդիրներ է ունենում կենտրոնանալու, ուշադրության և մյուս առումներով, և նաև երեխայի շահերից է բխում, որպեսզի նա ավելի արագ հասնի դպրոց։ Ես կարծում եմ, որ մեր բոլոր ծնողները, որոնք մտահոգ են իրենց երեխաների կրթության որակով, կկարողանան մի փոքր ջանք դնել և 15 րոպեի տարբերությունը, որը կարող է ճանապարհի վրա ծախսվող ժամանակի էական տարբերություն առաջացնել և իրենց համար էլ շատ ավելի դյուրին դարձնել հետո աշխատանքի գնալը, առանց լրացուցիչ լարվածությունների», - նշել է նա:
ԿԳՄՍ նախարարը ևս մեկ անգամ ընդգծել է, որ այդ որոշումը վերաբերում է միայն Երևանի հանրակրթական դպրոցներին, իսկ մասնավոր դպրոցները իրենք են որոշում իրենց դպրոցի դասերի սկիզբը:
Անդրեասյանը անդրադարձել է նաև այն հարցին, թե ինչու են դպրոցներն ավելի շուտ սկսում դասապրոցեսը, քան համալսարանները: Նա մասնավորապես նշել է. «Բուհերում ունենք մարզերից եկող բավականին մեծ թվով ուսանողներ և բուհերում ուսումնական պրոցեսի սկիզբը ավելի ուշ է սահմանված, որպեսզի լրացուցիչ անհարմարություններ չառաջացնենք, այն ուսանողները, որոնք Երևանին մոտակա բնակավայրերից են գալիս, ունենան բավարար ժամանակ գալու և իրենց դասապրոցեսին նորմալ մասնակցելու համար», - ասել է նախարարը։
Նա նշել է, որ փոփոխության հիմքում խցանումներից խուսափելն է, որ մարդիկ միաժամանակ դուրս չգան տնից և ունենան հնարավորություն ավելի հարմարավետ պայմաններում հասնել իրենց ուսումնական հաստատություն կամ աշխատավայր։
Հիշեցնենք, որ ավելի վաղ ներկայացրել էինք Կրթության փորձագետ Սերոբ Խաչատրյանի մասնագիտական կարծիքը, ով նշել էր, որ նման փոփոխությունը կարող է ազդել երեխայի թե՛ առողջության, թե՛ առաջադիմության վրա:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը