imID-ն թողարկեց «MobileID eSIM» լուծումը
Հայաստանում թվային ինքնության և վստահության ծառայություններ մատուցող imID ընկերությունը, համագործակցելով Հայաստանի հեռահաղորդակցական երեք խոշոր օպերատորների հետ, հայտարարում է «MobileID eSIM» ծառայության գործարկման մասին։ Այս քայլը նոր մակարդակի է բարձրացնում թվային ինքնության անվտանգ և հարմարավետ լուծումները՝ դարձնելով դրանք ավելի հասանելի և ճկուն:
Այսուհետ Team Telecom Armenia, Ucom և Viva ընկերությունների բաժանորդները կարող են ակտիվացնել և օգտագործել imID-ի «MobileID eSIM» ծառայությունն eSIM համատեղելիությամբ սարքերում՝ առանց ֆիզիկական SIM քարտի անհրաժեշտության: Օգտատերերը «MobileID eSIM»-ով կարող են անվտանգ և հեշտությամբ գրանցվել, մուտք գործել, իրականացնել գործարքներ և ստորագրել փաստաթղթեր բանկային, պետական և ոչ պետական կայքերում և հավելվածներում։
imID-ի գլխավոր տնօրեն Կարեն Մկոյանն ընդգծեց նախաձեռնության կարևորությունը.
««Mobile ID»-ի գործարկումը eSIM օգտագործողների համար բնական շարունակությունն է մեր տեսլականի՝ կառուցելու ներառական և ժամանակակից թվային էկոհամակարգ։ Այս թարմացմամբ մենք ևս մեկ քայլ ենք անում դեպի նորարարություն, հասանելիություն և ապագայի թվային ենթակառուցվածքների ձևավորում Հայաստանում»։
Ծառայությունը պահպանում է նույն բարձր մակարդակի անվտանգություն և իրավական ուժ, ինչ SIM քարտի վրա հիմնված տարբերակները։ Նույնականացման և էլեկտրոնային ստորագրման բոլոր գործընթացները պաշտպանված են միջազգային ստանդարտներին համապատասխան կրիպտոգրաֆիկ տեխնոլոգիաներով։
imID-ի մասին
imID-ն Հայաստանի ազգային թվային ինքնության և վստահության ծառայությունների մատակարար է, որը տրամադրում է Identification-as-a-Service (IDaaS), Authentication-as-a-Service (AuthaaS) և Signature-as-a-Service (SignaaS) լուծումներ։ imID-ն ձևավորում է թվային վստահության նոր ստանդարտ և նպատակ ունի աջակցել անհատների, բիզնեսների և պետական կառույցների լիարժեք մասնակցությանն ու ներառմանը թվային աշխարհում՝ Հայաստանում և դրա սահմաններից դուրս։
Լրացուցիչ տեղեկությունների համար այցելեք www.imid.am։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը