Թուրք-ադրբեջանական ղեկավարների ոտքերի տակ գալարվողները «տոռմուզներ» չունեն․ Աբրահամյան
ԱԺ «Պատիվ ունեմ» խմբակցության պատգամավոր Տիգրան Աբրահամյանը գրում է․
«Արցախի անկախության հռչակման օրվա շրջանակներում Եռաբլուրում «Արցախի կանչը» անվանումը կրող հուշակոթողի բացման արարողությանը իշխանության գործողությունները բացառիկ ընծա էին Ալիևների ընտանիքին:
Միջոցառման վայրում նախ մարդիկ պարզեցին, որ իշխանությունն ի սկզբանե խոչընդոտել է խորհրդանշական օրով հուշակոթողի բացման արարողությանը, ապա տեսնելով, որ, այնուամենայնիվ, այն տեղի է ունենալու, արգելել էին բարձրախոսների օգտագործումն ու իրենց ապահովագրելու համար նույնիսկ էլեկտրաէներգիայի կեղծ «վթար» խաղարկել:
Հիշեցնեմ, որ հուշակոթողի կառուցման հիմքում այն հանգամանքն էր, որ հազարավոր մարդիկ հնարավորություն չունեին այցելելու օկուպացված Արցախ` հարգանքի տուրք մատուցելու, ծաղիկներ դնելու, խունկ ծխելու այն նահատակների շիրիմներին, ովքեր իրենց հայրենիքի ու ժողովրդի պաշտպանության համար ծանր մարտերում անմահացել են:
Այս հուշակոթողը հավերժացնում է նաև 2023 թվականին Արցախի ՊԲ վառելիքաքսուքային պահեստի պայթյունից մահացած 200-ից ավելի արցախցիների հիշատակը:
Հասկանալի է, որ թուրք-ադրբեջանական ղեկավարների ոտքերի տակ գալարվողները «տոռմուզներ» չունեն և պատրաստ են ցանկացած սրբապղծության, սակայն իրագործողների ողջ շղթան` քաղաքական որոշումներ ընդունողներից, իրականացնողներից մինչև տեխնիկական օժանդակողները սրա աններելի պատասխանատուներն են:
Թող որևէ մեկը Նիկոլի թիկունքում չթաքնվի, պատերի տակ չասի, թե գիտես` ես դեմ էի, բայց ես չանեի, այլ մարդու կհանձնարարեին: Դուք բոլորդ սրբապղծության մասնակից/օժանդակողներ եք, իսկ ձեր նմանները դարեդար հակահերոսի խարան են կրում:
Պաշտպանության նախարարության անվանումն էլ պետք է փոխել ու դարձնել վարչապետին կից Պարտության արդարացման և ռազմահայրենասիրության ապամոնտաժման գրասենյակ»:
Երևանում և մարզերում լույս չի լինի. հասցեներ
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Պղծաշուրթ և անկայուն մարդու վիճակը դիտվում է որպես մարդատյացության ու հոգևոր խավարի արտահայտություն
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
ՊԵԿ-ը կանխել է ՀՀ տարածքով թմրամիջոցի խոշոր խմբաքանակի` 28 կգ հաշիշի տարանցումը