Անվտանգությունը ԶՊՄԿ առաջնահերթություններից է
Զանգեզուրի պղնձամոլիբդենային կոմբինատում անվտանգության ապահովումն առաջնային նշանակություն ունի։
Հայաստանի թիվ մեկ հարկատուն առաջինն է նաև այս առումով․ կոմբինատը վերջին տարիներին մեծ աշխատանք է իրականացնում անվտանգության մակարդակը բարձրացնելու ուղղությամբ։ Այդ աշխատանքներն ուղղված են ոչ միայն բնապահպանական վիճակի բարելավմանը, այլև աշխատանքի անվտանգության կանոնների պահպանմանը։
Ընկերության փոխադրամիջոցների վերանորոգման արտադրամասում իրականացվում են հանքային տեխնիկայի սպասարկման և վերանորոգման բազմազան աշխատանքներ՝ պլանային տեխնիկական սպասարկում, մասնակի և ընդհանուր վերանորոգում, անվադողերի փոխարինում, եռակցման աշխատանքներ և այլն։ Այստեղ մասնագիտությունները բազմաբնույթ են, անձնակազմը՝ շուրջ 150 հոգի։ Անկախ եղանակային պայմաններից աշխատանքը չի կարող կանգ առնել․ մեքենաները պետք է միշտ պատրաստ լինեն բացահանքում աշխատելու, իսկ մասնագետները պարբերաբար վերապատրաստվում են՝ թարմացնելով իրենց տեխնիկական գիտելիքները։
Օրեր առաջ էլ Քաջարանի հանքավայրում գործարկվեց հանքարդյունաբերական ոլորտի տեխնոլոգիական նորագույն ձեռքբերումներից մեկը։ Լանջերի կայունության մոնիտորինգ իրականացնող ռադարը էապես կրճատում է հնարավոր փլուզումների ռիսկերը։ «Զանգեզուրի պղնձամոլիբդենային կոմբինատի» այս նոր ձեռքբերումը 2,5 կմ հեռավորությունից 24 ժամ մշտադիտարկում է իրականացնում՝ ֆիքսելով նաև տեկտոնական տատանումները։ Պահպանելով աշխատանքի անվտանգության տարրական կանոնները՝ դու ապահովագրում ես քեզ և գործընկերներիդ միջադեպերից ու դժբախտ պատահարներից։ «Անվտանգությունն առաջին հերթին պատասխանատվություն է և կարգապահություն»,– նշում են ԶՊՄԿ-ում։ Վերջին տարիներին աշխատանքի անվտանգության կանոններին խստորեն հետևելու արդյունքում արձանագրվել է աշխատավայրում տեղի ունեցած դեպքերի նվազում։ Ընկերության նպատակն է հասնել «Զրո միջադեպ» ցուցանիշին։
Անի Ստեփանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը