Կադաստրի կոմիտեի ղեկավարի մասնակցությամբ ենթադրյալ ծեծկռտուքի միջադեպով քրգործ է հարուցվել
Կադաստրի կոմիտեի ղեկավար Սուրեն Թովմասյանի և վերջինիս աշխատակազմի ղեկավարի մասնակցությամբ ենթադրյալ ծեծկռտուքի միջադեպի առթիվ նախաձեռնվել է քրեական վարույթ:
24News-ի հարցմանն ի պատասխան Քննչական կոմիտեից հայտնեցին, որ քրեական վարույթը նախաձեռնվել է` Քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործոթյունը) և 191-րդ հովածի 2- րդ մասի 5-րդ կետով ( մի խումբ անձանց կողմից մարդուն առևանգելը): Կատարվում է նախաքննություն։
Այս պահին ձերբակալվածների կամ կալանավորված անձանց մասին կառույցից տեղեկություն չտրամադրեցին:
Հիշեցնենք, որ երեկ լրագրող Սյուզի Բադոյանն իր ֆեյսբուքյան էջում գրել էր, որ Կադաստրի կոմիտեի ղեկավար Սուրեն Թովմասյանն ու իր աշխատակազմի ղեկավար Մհեր Խաչատրյանը դաժան ծեծի են ենթարկել Կադաստրի կոմիտեի աշխատակիցներից մեկի ամուսնուն, որից հետո նա ծանր մարմնական վնասվածքներով տեղափոխվել է Էրեբունի հիվանդանոց։
Ընդ որում, ըստ լրագրողի ունեցած աղբյուրների, սկանդալային իրադարձությունը տեղի է ունեցել այն բանից հետո, երբ վերջինս որոշել է աշխատանքից ազատել ծեծի ենթարկված տղամարդու կնոջը, իսկ վերջինս իրեն զանգահարել, ապա ձայնային հաղորդագրություն է թողել, ինչն էլ հունից հանել է պաշտոնյային։
24News-ը թեմայի վերաբերյալ դիմել էր ՆԳՆ լրատվական, որտեղից ստացել էր հետևյալ պատասխանը.
«Քաղաքացուց ծեծի ենթարկվելու վերաբերյալ ստացվել է հաղորդում, որն անմիջապես, պատշաճ կարգով, արձանագրվել է և ուղարկվել նախաքննական մարմին։ ՆԳՆ ոստիկանության կողմից ձեռնարկվում են անհրաժեշտ միջոցառումներ՝ դեպքի բոլոր հանգամանքներն ու անձանց շրջանակը պարզելու ուղղությամբ», – ասված էր հաղորդագրությունում։
Ավելի ուշ արդեն Կադաստրի կոմիտեի պաշտոնական էջով հերքում էր տարածվել.
«Տեղեկացնում ենք, որ զանգվածային լրատվության միջոցներում ու սոցցանցերում շրջանառվող տեղեկատվությունը, թե Կադաստրի կոմիտեի ղեկավար Սուրեն Թովմասյանը և գլխավոր քարտուղար Մհեր Խաչատրյանը մասնակցություն ունեն քաղաքացու առևանգման և ծեծի ենթարկելու մեջ, չի համապատասխանում իրականությանը։
Խնդրում ենք զերծ մնալ չճշտված տեղեկատվություն տարածելուց»:
Մերի Մանուկյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
Թուրքիայում ԱՄՆ դեսպանը ողջունում է Հայաստան-Թուրքիա համատեղ աշխատանքային խմբի հանդիպումը