Ֆասթ Շիֆթով հնարավոր է վարձակալել PowerFull՝ առանց նույնականացում անցնելու
«Ֆասթ Շիֆթ» վճարահաշվարկային ընկերությունը պարզեցրել է «PowerFull» լիցքավորման սարքերի (power bank) վարձակալությունը՝ հնարավորություն ընձեռելով օգտվել ծառայությունից առանց հավելվածում նույնականացում անցնելու։
Այսուհետ «PowerFull»-ի այն օգտատերերը, որոնք չեն անցել Ֆասթ Շիֆթի նույնականացումը, ևս կարող են վարձակալել լիցքավորման սարք՝ հավելվածին կցելով միայն իրենց բանկային քարտը․ այլ փաստաթղթեր կցելու կարիք չկա։
«Մեր ընկերությունը, լսելով իր բազմաթիվ հաճախորդների խնդրանքը, մշակել է նոր տարբերակ՝ «PowerFull»-ից օգտվելու համար։ Այժմ լիցքավորման սարքեր վարձակալելն ավելի պարզ ու հարմար է, բացի այդ, սա կարևոր քայլ է ծառայության հասանելիությունն ընդլայնելու համար»,- ասել է «Ֆասթ Շիֆթ» ընկերության գործադիր տնօրեն Իրինա Գասպարյանը։
«PowerFull» ընկերության համահիմնադիր և ծառայության պատասխանատու Վարդան Ավանեսյանն էլ ընդգծել է, որ այս փոփոխությունն օգտատերերի արդյունավետ փորձառության համար է․ «Ինտեգրման սկզբնական շրջանում լիցքավորման սարքեր վարձակալելու համար անհրաժեշտ էր ոչ միայն կցել բանկային քարտ, այլև անցնել նույնականացում։ Հիմա Ֆասթ Շիֆթում «PowerFull»-ից օգտվելու ընթացակարգը կլինի նույն կերպ, ինչ նախկինում էր՝ «PowerFull» հավելվածում»։
«PowerFull»-ի կայանները տեղակայված են Երևանում ու Հայաստանի այլ քաղաքներում։ Ընդհանուր առմամբ ծառայությունը գործում է 430-ից ավելի կետերում՝ ռեստորաններ, սրճարաններ, առևտրի կենտրոններ, ֆիթնես ակումբներ և այլն։
Ծառայության նպատակն է էներգիայի սնուցման աղբյուրները հասանելի դարձնել ամենամոտ վայրերում, որպեսզի հնարավոր լինի շարժական լիցքավորման սարքերով լիցքավորել սմարթֆոնն ու մյուս սարքերը։
Ֆասթ Շիֆթը վճարահաշվարկային ընկերություն է, որը ֆինտեխ նոր լուծումների հիման վրա մատուցում է 400-ից ավելի ծառայություններ։
«Ֆասթ Շիֆթ» վճարահաշվարկային ընկերությունը վերահսկվում է ՀՀ ԿԲ կողմից։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը