Դատախազի տեղակալը գործընկերներին ներկայացրել է ՀՀ-ում թմրամիջոցների շրջանառության վիճակագրությունը
Հայաստանի Հանրապետության գլխավոր դատախազի տեղակալ Արամ Արամյանը 2025 թվականի հոկտեմբերի 3-ին ընդունել է աշխատանքային այցով Հայաստանում գտնվող՝ Կանադայի Նյու Բրանսվիկ նահանգի Գերագույն դատարանի նախագահ Մարկ Ռիչարդի գլխավորած պատվիրակությանը: Այս մասին տեղեկանում ենք Դատախազությունից։
Պատվիրակությունը Հայաստանում է գտնվում ՀՀ բարձրագույն դատական խորհրդի և Կանադայի Դաշնային դատական գործերի հանձնակատարի գրասենյակի հետ համատեղ իրականացվող՝ 2025-2026 թվականների տեխնիկական աջակցության ծրագրի շրջանակում:
Կանադայի պատվիրակության կազմում են Նոր Շոտլանդիա նահանգի վերաքննիչ դատարանի դատավոր Քերոլ Բիթոնը, Կանադայի արդարադատության կառավարման ինստիտուտի գործադիր տնօրեն Քրիստին Օ’Դոհերթին, Կանադայի դաշնային դատական գործերի հանձնակատարի գրասենյակի միջազգային ծրագրերի տնօրեն Օլեգ Շակովը։
Արամ Արամյանը ողջունել է կանադացի գործընկերներին Գլխավոր դատախազությունում և կարևորել Բարձրագույն դատական խորհրդի հետ մեկնարկած ծրագիրը՝ ուղղված թմրամիջոցներին առնչվող քրեական գործերով արդյունավետ քննության նորարարական մոտեցումների խթանմանն ու դեպքերի կանխարգելմանը:
Այս համատեքստում ՀՀ գլխավոր դատախազի տեղակալը Կանադայից ժամանած գործընկերներին ներկայացրել է Հայաստանում թմրամիջոցների ապօրինի շրջանառության վիճակագրական տվյալները՝ նշելով, որ 2024 թվականին թմրամիջոցների ապօրինի շրջանառության արձանագրված դեպքերի թիվը նվազել է 1431-ով կամ 28.2%-ով (2024 թվականին՝ 3639 դեպք, 2023 թվականին՝ 5070 դեպք): «Ընդ որում, իրացնելու նպատակով թմրամիջոցների ապօրինի շրջանառության դեպքերը կազմել են 1910, որը 2023 թվականին արձանագրված 2802 դեպքի համեմատ նվազել է 892-ով կամ 31.8%-ով»,- ընդգծել է Արամ Արամյանը և, անդրադառնալով անչափահասների ներգրավվածությամբ թմրամիջոցների ապօրինի շրջանառության դեպքերին, հավելել, որ համաձայն ՀՀ ՆԳՆ ոստիկանության ինֆորմացիոն կենտրոնի տվյալների՝ 2022 թվականին արձանագրվել է 6 դեպք, 2023 թվականին՝ 10 դեպք, 2024 թվականին՝ 7 դեպք, 2025 թվականի առաջին 8 ամիսներին՝ 3 դեպք:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է