Սամվել Կարապետյանը ինչի՞ց պետք է թաքնվի. ակնհայտ աբսուրդ է. փաստաբան
Սամվել Կարապետյանի խափանման միջոցի հարցը շարունակում են քննել։ Կարապետյանի փաստաբաններից Արամ Վարդևանյանը հայտարարեց, որ մեղադրական կողմի՝ քննիչների «դիրքորոշում» ներկայացնելուց հետո, այսօր պաշտպանական կողմն է իր հիմնավորումները ներկայացնելու։
«Իսկապես, քննիչները չէին ներկայացնում դիրքորոշում, իրենք պարզապես թղթից կարդում էին, որը բովնադակային իմաստով ոչ մի առնչություն չունի Սամվել Կարապետյանի հետ»,-ասաց նա՝ նշելով, թե ինչ փաստեր են բերվում, որ Կարապետյանը պետք է մնա անազատության մեջ։
Փաստաբանն ասաց՝ նշվում է, թե իրենք դեռևս ունեն վարութային գործողություններ և պետք է կատարեն, իսկ թե որո՞նք են դրանք՝ պարզ չէ, չկա նշված։
«Նաև շատերի համար ծիծաղելի կթվա, բայց քննչական մարմինը գտնում է, որ կա թաքնվելու ռիսկ։ Սամվել Կարապետյանը ինչի՞ց պետք է թաքնվի։ Սա ակնհայտ աբսուրդային է, քանի որ նա նույն հուլիսի 4-ի ուղերձում հայտարարել էր, որ քաղաքական հայտ է ներկայացնում, այդ պայմաններում ինչո՞ւ պետք է թաքնվի, ո՞րն է ռիսկը»,-ասաց նա։
Դիտարկմանը, թե գուցե կալանավորումը քաղաքական գործընթացից իզոլացնելու միջոց է՝ Վարդևանյանը պատասխանեց՝ ակնհայտ է, որ բոլոր հարցերն ու պատասխանները թաքնված են ֆեյսբուքում գործադիր իշխանության կողմից հունիսի 17-ի գրառման մեջ, որով էլ սկզիբ դրվեց քաղաքական հետպնդմանը։
«Քաղաքական հետապնդումը կարող է տարբեր շարժառիթներ ունենալ և դրանցից մեկը հենց բուն քաղաքական գործընթացն է։ Ակնհայտ է, որ այս աստիճան անհանգստությունը, որ առկա է Սամվել Կարապետյանի նկատմամբ, ցանկացած անաչառ դիտորդ կհաստատի»,-ասաց նա։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր