Աստված մի արասցե, եթե ձերբակալվի Ամենայն Հայոց Կաթողիկոսը. Տեր Սամվել
Տեր Սամվել վարդապետ Մխիթարյանը «Ճշմարտությունը չունի ժամանակ և տարածություն» վերտառությամբ հրապարակում է արել։
«Վերջին օրերին Մայր Հայրենիքում շարունակվում են տեղի ունենալ անպարկեշտ և անվայել գործողություններ՝ ուղղված Արագածոտնի թեմի առաջնորդ Գերաշնորհ Տ․ Մկրտիչ եպիսկոպոս Պռոշյանի, նույն թեմի տասներկու քահանա հայրերի և հինգ աշխարհիկ ծառայողների դեմ, ինչը ոչ միայն լուրջ մտահոգություն է առաջացրել հոգևորականներիս շրջանում և խոր հիասթափություն հավատավոր ժողովրդի շարքերում, այլև անվստահություն իրավական գործընթացների հանդեպ։ Ահաբեկումները, որ ուղեկցվում են անօրինական գաղտնալսումներով, համոզված ենք՝ կշարունակվեն բռնի և անօրինական նոր գործողություններով։
Խստորեն դատապարտելի է հայի կողմից երբևէ չտեսնված այն փաստը, որ Արագածոտնի թեմի Աշտարակ քաղաքի Սուրբ Մարիանե եկեղեցին հոգևորականների և հավատացյալների համար փակվել էր եկեղեցու խուզարկության պատրվակով։ Միգուցե ճշգրտելու կարիք կա՝ խուզարկողները ոտքերով բարձրացե՞լ են խորան, թե՞ ոչ, սուրբ մյուռոնաթափ աղավնուն դիպե՞լ են, թե՞ ոչ, սկիհը բարձրացրե՞լ են տակն ինչ-որ բան փնտրելու պատրվակով, թե՞ ոչ, սակայն եթե այո, ապա անելիք ունենք։ Իսկ եթե ոչ՝ պարզաբանում պիտի տրվի։ Նորից հանգում ենք այն համոզման, որ ինչ ուզում անում են ոչ միայն հոգևորականների հետ, այլև սրբությունների հետ։ Ցավոք, ահաբեկող գործելաոճը շարունակվում է։ Հարկ է նշել, որ տեսանյութերի ու լուսանկարների միջոցով այսօրինակ պատկեր տեսել էինք Արցախում գերեվարված մեր եկեղեցիների պարագայում, երբ թշնամին անտարբեր բարձրացել էր խորան և խորդանոցներում ինչ-որ բան էր փնտրում։
Ճշմարտությունը չունի ժամանակ և տարածություն․ Հայ Առաքելական Սուրբ Եկեղեցին կա և կմնա Հայոց պետականության հիմնասյունը, իսկ ազգընտիր Հայրապետը՝ այդ պետականության պահպանման քաջամարտիկը։ Աստված մի արասցե, եթե ձերբակալվի Ամենայն Հայոց Կաթողիկոսը, ապա Հայ Առաքելական Սուրբ Եկեղեցու հոգևոր դասի և հավատավոր զավակների համար ժամանակավոր կաթողիկոսարան կդառնա Հայրապետի պահման վայրը։ Այս կերպ չեք կարող թուլացնել եկեղեցին, այս կերպ եկեղեցին միայն զորանում է։ Քանզի հաստատուն հավատքով և կամքով ամեն մի հոգևորական սեփական հալածանքների մեջ իրեն է տեսնում Քրիստոսի փրկչական խաչափայտի վրա։
Տե՛ր, ներիր նրանց, քանզի չգիտեն, թե ինչ են անում»,- նշել է Հայր Սամվելը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր