Գյումրու դեպքերի ժամանակ իրավապահները այնքան մարդ են ձերբակալել, որ ՁՊՎ-ներում տեղ չի եղել

24News-ի տեղեկություններով՝ Գյումրու իրադարձությունների ժամանակ իրավապահները այնքան մարդ են ձերբակալել, որ ՁՊՎ-ներում տեղ չի եղել։ Ձերբակալվածների մի մասին տարել են Աշտարակ, մյուս մասին՝ Ալավերդի։ Ալավերդի տեղափոխվածների թվում է եղել «Մեր ձևով» շարժման անդամ Ռուբեն Մխիթարյանը, որը որպես փաստաբան փորձել է հանդարտեցնել իրավիճակը:

Ավելի վաղ 24News-ի հետ զրույցում փաստաբան Հայկ Հարությունյանը հայտնել էր, որ Գյումրիից ձերբակալված 33 անձանց թվում անչափաս տղա կա։ Նրա խոսքով, տղան նույնպես ձերբակալվել էր Գյումրիի քաղաքապետարանի մոտից, և նրան նույնպես մեղադրանք է ներկայացվել։

Նշենք, որ ձերբակալված 33 քաղաքացիներից մի մասին մեղադրանք է առաջադրվել քրեական օրենսգրքի 327–րդ և 486–րդ հոդվածների հատկանիշներով` արդարադատության իրականացմանը կամ գործի քննությանը միջամտելը և զանգվածային անկարգությունների մասնակցելը: Փաստաբանը նաև տեղեկացրեց, որ բացի 33-ից, այլ ձերբակալվածներ էլ կան հոկտեմբերի 20-ին Գյումրիի համայնքապետարանի առջև տեղի ունեցած հավաքից և առաջիկա ժամերին նրանց ևս մեղադրանքներ կառաջադրվեն: