Իդրամը հայտարարում է աշխարհի առաջատար կրիպտո բորսայի՝ Bybit-ի հետ նորարար վճարումների ոլորտում համագործակցության մասին
Հայաստանի առաջատար թվային վճարային հարթակ Իդրամը և առևտրային ծավալներով աշխարհում մեծությամբ երկրորդ կրիպտո բորսա Bybit-ը հայտարարում են ռազմավարական նոր համագործակցության մասին: Այս համագործակցության գլխավոր նպատակը Իդրամ ընկերության կողմից Հայաստանում արդի և նորարարական տեխնոլոգիաների ներմուծման օգնությամբ վճարային համակարգի զարգացումն է։ Արդյունքում շուտով Հայաստանում գտնվելիս Bybit հավելվածի օգտատերերը կկարողանան իրենց հավելվածով ավելի քան 25,000 առևտրային կետերում կատարել Իդրամ QR վճարումներ։
«Այս համագործակցությունը վկայում է Իդրամի նորարարությանն ու գլոբալ կապերի ամրապնդմանը միտված հանձնառության մասին», — նշել է Իդրամի կոմերցիոն տնօրեն Գրիգորի Յոլյանը։ «Մեր QR համակարգի ինտեգրումը Bybit Pay-ի հետ հնարավորություն է տալիս միջազգային զբոսաշրջիկներին կատարելու հարմարավետ և անվտանգ վճարումներ։ Միևնույն ժամանակ, գիտակցելով, որ վճարումների համար թվային ակտիվների օգտագործումը նոր է թափ հավաքում ամբողջ աշխարհում, այս համագործակցությունը թույլ է տալիս Bybit-ի օգտատերերին արդեն իսկ Հայաստանում անկանխիկ վճարումներ կատարել ավելի քան 25,000 առևտրային կետերում՝ պարզ և մատչելի եղանակով», - ասել է Գրիգորի Յոլյանը։
«Bybit-ը միտված է իրական աշխարհում թվային ակտիվների կիրառման խոչընդոտները վերացնելուն՝ անվտանգ, համապատասխան բոլոր ստանդարտներին և, ամենակարևորը, հնարավորինս հարմար օգտատերերին։ Հայաստանում Bybit Pay-ի գործարկումը Իդրամի լայնածավալ առևտրային ցանցի հետ հնարավորություն է տալիս անխափան մուտք դեպի ամենօրյա վճարումներ»,- ասաց Սոֆի Չենը, Bybit-ի վճարային բիզնեսի զարգացման տնօրենը։ «Մենք շարունակում ենք կենտրոնանալ խորը, արժեքահեն գործընկերություններ կառուցելու վրա, որոնք երկարաժամկետ օգուտներ կբերեն տեղական շուկաներին և ավելի մեծ հնարավորություններ կբացեն օգտատերերի առաջ ամբողջ աշխարհում։ Bybit-ը և ավանդական ֆինթեք ընկերությունները դաշնակիցներ են։ Իդրամի գործընկեր վաճառակետերի ցանցում Bybit հավելվածի ընդլայնումը Հայաստանում ևս մեկ քայլ է մեր գլոբալ ծավալման ճանապարհին՝ մեր համայնքի համար կրիպտո-հարմարավետությունն ավելի բարձրացնելու ուղղությամբ», - ավելացրեց Սոֆի Չենը։
Ինչպե՞ս կատարել Իդրամ QR-կոդով վճարում
- Օգտատերը Bybit հավելվածում սեղմում է Bybit Pay կոճակը, ապա ընտրում QR-pay տարբերակը։
- Այնուհետև սքանավորում է վաճառակետում տեղադրված QR-կոդը
- Ակնթարթորեն բացվում է վճարման հաստատման պատուհանը, որտեղ ցուցադրվում են գործարքի մանրամասները։
- Օգտատերը սեղմում է Հաստատել կոճակը՝ վճարումը ավարտելու համար։
ԻԴՐԱՄԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր