IDBank-ի և Իդրամի աջակցությամբ մեկնարկեց «Սիմֆոնիկ անտառ» նախագիծը
Հոկտեմբերի 23-ին Հայաստանի պետական սիմֆոնիկ նվագախումբը յուրօրինակ համերգային ծրագրով մեկնարկեց «Սիմֆոնիկ անտառ» նախագիծը։ Այս նախագծի շրջանակում, որպես հավերժ կյանքի խորհրդանիշ, Հայաստանում շուտով կտնկվի «Սիմֆոնիկ անտառ»։ Այս նախագծով նաև նվագախումբը տոնելու է իր հոբելյանական 20-րդ համերգաշրջանը:
«Սիմֆոնիկ անտառ» համերգի գլխավոր աջակիցն IDBank-ն է, որն Իդրամ ընկերության հետ համատեղ իրականացվող «Մի դրամի ուժը» նախագծով միացել է նաև անտառի ստեղծմանը։ Նախաձեռնության շրջանակում առաջիկայում տնկվելու է 20 000 ծառ։ Ծառերից առնվազն 6250-ը տնկվելու է «Մի դրամի ուժի» շնորհիվ։
««Սիմֆոնիկ անտառի» ամենամեծ յուրահատկությունն այն է, որ լինելու է բեմում ելույթ ունեցող նվագախմբի դասավորությամբ: «Եթե վերևից նայենք անտառին, այն կունենա Սիմֆոնիկ նվագախմբի կառուցվածքին բնորոշ տեսք»,- նշեց Հայաստանի պետական սիմֆոնիկ նվագախմբի տնօրեն Սարգիս Բալբաբյանը:
««Մի դրամի ուժը» ծրագիրն ու «Սիմֆոնիկ անտառը» շատ նման են իրենց ասելիքով․ այս երկու գաղափարի հիմքում միասնության կարևորությունն է: Փոքրիկ ջանքերը համատեղվելով՝ մեծ ուժ են դառնում ու բերում փոփոխություն յուրաքանչյուրիս կյանքում»,- Նշեց Իդրամի և IDBank-ի հաղոդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանը՝ ընդգծելով, որ եթե «Մի դրամի ուժ»-ի դեպքում այդ փոփոխությունները բերում են երկրի համար կարևոր բազմաթիվ ծրագրեր կյանքի կոչող, աննշան թվացող մեկ դրամները, ապա «Սիմֆոնիկ անտառի» պարագայում այդ փոփոխությունը բերում է ամեն գնված տոմս, որն ապագա «Սիմֆոնիկ անտառում դառնալու է առնվազն մեկ ծառ․ «Վստահ եմ, որ տարիներ անց մենք կունենանք արդեն սաղարթախիտ անտառ և միգուցե այնտեղ վայելենք սիմֆոնիկ երաժշտություն»,-եզրափակեց Տաթևիկ Վարդևանյանը։
«Իմ անտառ Հայաստան» ՀԿ-ի հիմնադիր տնօրեն Անտրէ Գումուշճեանն ընդգծում է․ «Շատ կարևոր համագործակցություն է, որովհետև երաժշտությունը անչափ կարևոր է մարդու հոգու համար, իսկ բնությունը շատ կարևոր է մարդու ապրելու համար»։
Հիշեցնենք, որ «Իմ անտառ Հայաստան» ՀԿ-ի և «Մի դրամի ուժը» նախաձեռնության համագործակցությամբ Հայաստանում մինչ օրս ավելի քան 30 000 ծառ է տնկվել։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Թուրքիան այլևս չի թաքցնում, որ տարածաշրջանում գործում է որպես Արևմուտքի գործընկեր․ Սուրենյանց
Կենսաթոշակը կամ նպաստը կանխիկ եղանակով ստացողներն ինչպես կարող են անցնել անկանխիկ տարբերակի
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Փաշինյանը Կաթողիկոսին հեռացնելու ժամկետ է դրել. «Իրավունք»