Դատական դեպարտամենտը ներկայացրել է դատական իշխանության և լրատվամիջոցների հաղորդակցման մասին վերլուծությունը
Դատական դեպարտամենտի մամուլի ծառայությունը ներկայացրել է դատական իշխանության և լրատվամիջոցների հաղորդակցման 2024 թվականի դեկտեմբերից մինչև 2025 թվականի հոկտեմբեր ժամանակահատվածի վերլուծությունը՝ ըստ «Մաքսմոնիթոր» համակարգի և լրատվամիջոցների մշտադիտարկման տվյալների։
Ընդհանուր առմամբ՝ մամուլում դատական իշխանության վերաբերյալ արձանագրվել է 1,745 հիշատակում, որոնցից 238-ը (13.6%) պաշտոնական հաղորդագրություններ են, իսկ 1,507-ը (86.4%)՝ լրագրողական նյութեր։ Լրագրողների հեղինակած հրապարակումներում գերակշռել են փաստաբանների մեկնաբանությունները։
Ըստ հետազոտության՝ նյութերը մեծ մասամբ միակողմանի են եղել, չեն ներառել տվյալ դատարանը ներկայացնող մամուլի խոսնակի խոսքը, կամ այդ խոսքը ներկայացվել է հրապարակմանը հաջորդող նյութում, որն, ի դեպ, համարվում է «երկրորդային լուր» և ոչ միշտ է գերազանցում թեմայի վերաբերյալ առաջին մեկնաբանություն տվողի տեսակետը։
Վերլուծության համաձայն՝ դատական թեմաներով հրապարակումների 45%-ը եղել է ուշադրություն հրավիրող սկանդալային վերնագրերով, 35%-ը՝ չեզոք տեղեկատվական, և միայն 12%-ը՝ վերլուծական: Արձանագրվել է նաև դատավորների պիտակավորման տարածված պրակտիկան, որը հանրային ընկալման ձևավորման հարցում կողմնորոշիչ դեր ունի, ինչպես նաև ազդում է դատավորի հեղինակության վրա։
Ըստ վերլուծության՝ դատավորների՝ մամուլում ներկայացվածության սահմանափակումները պայմանավորված են քաղաքական զսպվածություն և չեզոքություն պարտադրող էթիկայի կանոններով, մասնագիտական վարքագծի կանոնակարգով, որն արգելում է մեկնաբանություններ կամ տեսակետներ հայտնել քննվող գործերի վերաբերյալ, ինչպես նաև՝ մամուլի հետ հաղորդակցվելու փորձի պակասով։
Արձանագրվել են նաև դրական միտումներ․Բարձրագույն դատական խորհուրդը ապահովել է իր որոշումների, իրավական փաստաթղթերի հրապարակման օպերատիվությունը կարգապահական վարույթները հրապարակվել են առանց տեխնիկական կամ մոնտաժային միջամտության, իսկ պաշտոնական հաղորդագրությունները՝ չեզոք ոճով։
Ըստ վերլուծության եզրակացության՝ անհրաժեշտ է զարգացնել դատական համակարգի և լրատվամիջոցների համագործակցությունը՝ ապահովելով հավասարակշռված հաղորդակցություն, բարձրացնել հանրային տեղեկացվածությունը դատական գործընթացների վերաբերյալ։
Դատական դեպատրամենտ
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Ամերիկյան F-35 կործանիչն իրանական կրակի հետևանքով արտակարգ վայրէջք է կատարել․ CNN
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք