Ucom-ի կանաչ նախաձեռնությունը հասավ Ուրցաձոր
Ucom-ի աշխատակիցները նոյեմբերի 7-ին կրկին միացան Արևորդի ՀԿ-ին և վերջինիս գործընկեր Վայրի բնության և մշակութային արժեքների պահպանման հիմնադրամին (FPWC)՝ այս անգամ մասնակցելով Ուրցաձորի էկո-կրթական կենտրոնում կազմակերպված ծառատունկին։
Այս ծառատունկը տարվա սկզբից Ucom-ի աջակցությամբ սկսված և մինչև տարեվերջ շարունակվող բնապահպանական նախաձեռնության մաս է, որի նպատակն է Հայաստանում տնկել շուրջ 10,000 ծառ՝ աջակցելով բնության վերականգնմանը։
Ucom-ի աշխատակիցներն այցելել են նաև տնկիների աճեցման համար նախատեսված ջերմատներ, վայրի կենդանիների փրկարար կենտրոն, ծանոթացել են անտառապահների աշխատանքին և Ucom-ի աջակցությամբ տեղադրված տեսահսկողության համակարգին, որը կիրառվում է կենդանիների ու բնական տարածքների պահպանության համար։
«Լինելով կանաչ արժեքներին հավատարիմ ընկերություն՝ Ucom-ը կարևորում է իր մասնակցությունը բնության պահպանությանն ուղղված նախագծերին։ Մեզ համար բնապահպանությունը միայն աջակցություն կամ միջոցառում չէ, այլ վերաբերմունք է և գիտակցված ընտրություն։ Երբ մարդն իր ձեռքով ծառ է տնկում, ձևավորվում է իրական կապ բնության հետ և պատասխանատվություն՝ միջավայրի հանդեպ։ Մենք շարունակելու ենք այնպիսի ծրագրերին աջակցություն ցուցաբերել, որոնք նպաստում են Հայաստանի բնության պահպանությանը և էկոհամակարգերի վերականգնմանը», - նշել է Ucom-ի գլխավոր տնօրեն Ռալֆ Յիրիկյանը։
«Ucom-ի հետ մեր այս նախաձեռնությունը համատեղում է բնության վերականգնման գործնական աշխատանքը՝ ծառատունկը, մեր էկո-կրթական առաքելության հետ։ Ucom-ի աշխատակիցների ներգրավվածությունը, նրանց այցելությունը ջերմատներ և Փրկարար կենտրոն, ցույց է տալիս, որ մենք կառուցում ենք գիտակցված մշակույթ, որտեղ կորպորատիվ պատասխանատվությունը ուղղակիորեն կապվում է բնապահպանության համար կոնկրետ գործողությունների հետ։ Մենք շնորհակալ ենք մեր գործընկերներին՝ Հայաստանի վայրի բնության համար ունեցած այս համակարգային ներդրման համար»,- ասել է Վայրի բնության և մշակութային արժեքների պահպանման հիմնադրամի (FPWC) տնօրեն Ռուբեն Խաչատրյանը։
Անտառապատման աշխատանքները կարևոր դեր ունեն բնության պահպանության համար՝ դրանք օգնում են պահպանել վտանգված ծառատեսակները, նպաստում են էկոհամակարգերի վերականգնմանը, մեղմում են կլիմայական փոփոխությունների ազդեցությունը և կանխում հողերի անապատացումը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը