«Առաջարկ Հայաստանին» ծրագրի շրջանակներում իրականացվում են ակտիվ մարզային այցելություններ․ Իվետա Տոնոյան
Իվետա Տոնոյանը ֆեյսբուքյան իր էջում գրել է․
Սիրելի՛ ընկերներ,
Շարունակում եմ այս ձևաչափով պարբերաբար ամփոփել մեր թիմի կողմից իրականացվող նախաձեռնությունները և ընթացիկ աշխատանքները։
1․ «Առաջարկ Հայաստանին» նախաձեռնությունը
«Գագիկ Ծառուկյան» բարեգործական հիմնադրամի աջակցությամբ Ուսանողության միջազգային տոնին ընդառաջ հայտարարված մրցույթը շարունակում է մնալ հետաքրքրության կենտրոնում։ Հայաստանի տարբեր համայնքներից և արտասահմանից ստանում ենք հարյուրավոր հայտեր՝ ուշագրավ առաջարկներով ու նախագծերով։ Միաժամանակ ուզում եմ ընդգծել կարևոր մի հանգամանք․ երիտասարդները հաճախ հարցնում են՝ արդյոք մրցույթը լինելո՞ւ է արդար։ Եվ այդ հարցը լիովին բնական է, որովհետև երիտասարդ սերունդը տարիների ընթացքում բազմիցս բախվել է անարդարության տարբեր դրսևորումների։ Գագիկ Ծառուկյանը, հավատարիմ մնալով իր խոսքին, անձամբ է երաշխավորում մրցույթի բաց ու արդար ընթացքը։ Հենց այդ նպատակով ձևավորվում է ծանրակշիռ, պրոֆեսիոնալ և անկախ հանձնաժողով, որի անդամները կուսումնասիրեն բոլոր հայտերը և կընտրեն լավագույն առաջարկները։ Վստահեցնում եմ՝ բոլոր արժեքավոր ու հեռանկարային գաղափարները ներառվելու են «Առաջարկ Հայաստանին» ծրագրում։
2․ Կամավորների հոսքը դեպի Հատիս լեռ
Շարունակվում է կամավորների ամենօրյա հոսքը դեպի Հատիս լեռ՝ Հիսուս Քրիստոսի մոնումենտալ արձան-համալիրի կառուցման վայր։ Տարբեր համայնքներից, ոլորտներից ու տարիքային խմբերից մարդիկ միանում են աշխատանքներին՝ իրենց ներդրումն ունենալու այս կարևոր նախագծում։
3․ Մարզային այցելություններ և հանդիպումներ
«Առաջարկ Հայաստանին» ծրագրի շրջանակներում իրականացվում են ակտիվ մարզային այցելություններ։ Թիմի անդամները մասնակցում են բազմամարդ հանդիպումների՝ հեռու և մոտիկ համայնքների բնակիչների հետ։ Գրանցվում է սպասվածից ավելի բարձր ակտիվություն։ Այս ծրագիրն իսկապես մեծ հետաքրքրություն է առաջացրել, քանի որ մարդկանց համախմբում է իր վերկուսակցական գաղափարով։ Մեր թիմակիցները մարզերի բնակիչներին լսում են, գույքագրում խնդիրները, հավաքագրում առաջարկները, որպեսզի դրանք այնուհետև ներկայացվեն «Առաջարկ Հայաստանին» ծրագրին՝ հետագա քննարկման համար։
Շնորհակալություն բոլորին ակտիվ մասնակցության, ներգրավվածության և վստահության համար։
Շարունակելու ենք աշխատել առավել ակտիվ, հետևողական ու պատասխանատու։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը