Քրիտոնեությանը տուրք մատուցելով և Տիրոջ արձանը վեր խոյացնելով՝ չի ստացվում, որ արձանն ենք երկրպագում. Անի Քոչար
Այս աշնան կարևորագույն իրադարձությունն ինձ համար Հիսուս Քրիստոսի արձանի և մշակութային կոթողի կառուցման աշխատանքների պաշտոնական ներկայացումն էր. այս մասին ինստագրամյան էջում գրել է լրագրող, հրապարակախոս Անի Քոչարը՝ հիշեցնելով, որ սեպտեմբերի 16-ին հրավիրված էր պաշտոնական փակ ներկայացմանը, իսկ սեպտեմբերի 25-ին եղել է առաջին խմբի կազմում, որ բարձրացել է Հատիսի գագաթ և մասնակցել հիմնարկեքին:
«Մեծ պատիվ է այս մեծ նախաձեռնությանը համեստ ու փոքրիկ մասնակցություն ունենալը: Հիմնասյուներին առաջին քար դնողներից մեկն եմ և հպարտորեն երեխաներիս, ապա և թոռներիս եմ պատմելու: Աստծով իրականություն դառնա և վերջնականապես ավարտուն տեսքի գա ու հառնի այս արձանն ու համալիրը: Ծանոթանալով ողջ ծրագրին և նախաձեռնության բովանդակությանը, ինչպես նաև ահռելի մասշտաբներին, շատ հավակնոտ ձեռնարկում է և ավարտին կհասցվի մոտ երկու տարուց ու թող, որ Տիրոջ կամքով այդ գեղեցիկ օրը տեսնենք»,- նշել է նա:
Միևնույն ժամանակ Անի Քոչարը հավելել է, որ ցանկանալով կանխել բոլոր պարզունակ մեկնաբանություններն առ այն, որ պետք չէ արձան պաշտել, շտապում է ընդգծել, որ քրիտոնեությանը տուրք մատուցելով և Տիրոջ արձանը վեր խոյացնելով՝ չի ստացվում, որ արձանն ենք երկրպագում:
«Ոչ՛ արձանը, ո՛չ սրբապատկերները և ո՛չ մի նյութական բան չենք պաշտում և երկրպագում: Նյութականացած հոգևոր մշակույթը պաշտամունքի համար չէ, այլ մշակութային կոթող ու ժառանգություն»,- եզրափակել է նա:
Աշխարհում Հիսուս Քրիստոսի ամենամեծ ու հզոր արձանի կառուցման աշխատանքները, որոնք մեկնարկել են 2022 թվականի հուլիսի 9-ին Հատիս լեռան բարձունքում, ակտիվ իրականացման փուլում են: Համալիրն իր տեսակով եզակի է լինելու, ներառելու է թանգարան, ճոպանուղի, հանգստի գոտիներ, ունենալու է տուրիզմի զարգացման համար անհրաժեշտ բոլոր ենթակառուցվածքները:
«Գագիկ Ծառուկյան» հիմնադրամի ազգանվեր նախաձեռնությամբ կառուցվող համալիրը, անկասկած, դառնալու է մեր հայրենիքի յուրօրինակ այցեքարտը՝ աշխարհին նորովի ներկայացնելով Հայաստանը: Կարևոր է ընդգծել, որ ճարտարապետական գլուխգործոցի հիմքում ազգային համերաշխության ու միասնականության գաղափարից զատ, Գագիկ Ծառուկյանի՝ երկրում զբոսաշրջության և տնտեսության զարգացմանը նոր զարկ տալու անկեղծ մղումն է:
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ-ականներն ահաբեկում են անգամ անչափահասներին. «Հրապարակ»
Երևանում և մարզերում լույս չի լինի. հասցեներ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Իշխանությունների թիրախում են ակտիվ արցախցիները. «Հրապարակ»
Պղծաշուրթ և անկայուն մարդու վիճակը դիտվում է որպես մարդատյացության ու հոգևոր խավարի արտահայտություն
Նիկոլ Փաշինյանն ու իր թիմը երեկ երկրորդ ապտակը ստացան Տաշիրում. «Հրապարակ»