Քաղաքական ճնշման մեխանիզմ․ Գևորգ Սրբազանի օրինակը․ Anticor
AntiCor-ին իրավապահ համակարգից փոխանցված տվյալները վկայում են, որ Գևորգ սրբազանի շուրջ շրջանառված ձայնագրությունը, որտեղ իր ենթակայության ներքո հոգևոր ծառայություն իրականացնողը վիճում է ընտանիքը քանդելու մասին՝ ծառայել է որպես քաղաքական ճնշման լծակ, ոչ թե օբյեկտիվ քննության նյութ։ Ըստ այդ տվյալների՝ ձայնագրությունը կիրառվել է որպես պարտադրանքի միջոց՝ Գևորգ սրբազանին ներգրավելու վարչապետին աջակցող եպիսկոպոսների խմբում։
Ինչպես է գործել ճնշման մեխանիզմը
Գևորգ սրբազանն ամբողջությամբ հերքել է ձայնագրության իր մասնակցությունը՝ հայտարարելով, որ այն կեղծիք է։ Սակայն, մեր աղբյուրների փոխանցմամբ, նրան ներկայացվել է ՀՀ ԳԱԱ «Փորձաքննությունների ազգային բյուրո» ՊՈԱԿ–ում կատարված փորձաքննության եզրակացություն, որը իրականացվել է նոր ձեռքբերված բարձրակարգ տեխնիկական սարքավորումներով։
Իրավապահները, ըստ աղբյուրների, բաց տեքստով հայտարարել են․
«Եթե չմիանաս վարչապետին և չանես համապատասխան հայտարարությունները Կաթողիկոսի դեմ, ապա ինչպես Արշակ սրբազանի դեպքում, կհայտարարենք, որ փորձաքննությունը հաստատել է ձայնը»։
Այսինքն՝ փորձաքննությունը ներկայացվել է ոչ թե որպես իրավական գործողություն, այլ որպես վախեցման և վերահսկողության գործիք։
AntiCor-ի աղբյուրները նշում են, որ սրբազանը, հասկանալով հանրային վարկաբեկման և հնարավոր քրեական հետապնդման ռիսկը, ստիպված համաձայնել է միանալ այն եպիսկոպոսներին, որոնք հանդես եկան Կաթողիկոս Գարեգին Բ-ի դեմ հայտարարություններով։
Ըստ նույն աղբյուրների՝ խմբում ընդգրկված մի շարք այլ եպիսկոպոսների վերաբերյալ նույնպես գոյություն են ունեցել նախապես հավաքված կոմպրոմատներ, որոնք պահվել են «պահեստային ճնշման» նպատակով։
Սա փաստում է, որ գործընթացը եղել է ոչ թե եկեղեցական բարեփոխումների նախաձեռնություն, այլ քաղաքական ճնշման համակարգված սխեմա։
AntiCor-ի գնահատմամբ՝ ձևավորվել է Եկեղոցու ներքին գործերին պետական միջամտության նոր սխեմա, որի հիմնական բաղադրիչներն են․
կոմպրոմատների նպատակային հավաքագրում,
արագացված և ուղղորդված փորձաքննություններ,
քրեական հետապնդման սպառնալիք,
հոգևորականներին քաղաքական դիրքորոշում պարտադրելու մեխանիզմ։
Այս գործընթացը խաթարում է եկեղեցու անկախությունը և հակասում է ինչպես Սահմանադրությանը, այնպես էլ իրավական պետության սկզբունքներին։
Եզրակացություն
Գևորգ սրբազանի դեպքը, ըստ AntiCor-ին փոխանցված տվյալների, եղել է լոյալություն պարտադրելու նպատակով կիրառված քաղաքական ճնշման արդյունք։
Ձայնագրությունն ու փորձաքննությունը չեն ծառայել ճշմարտությունը պարզաբանելու նպատակին, այլ եղել են ազդակներ՝ ուղղված Եկեղեցու ներսում ուժերի վերաբաշխմանը և իշխանությանը ցանկալի հոգևորականների խումբ ձևավորելուն։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
ՔՊ-ականները ոչ թե վախենում են Արցախ արտասանել, որպեսզի «չխաթարեն խաղաղության» գործընթացը, այլ դա հեն...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...