Կոնվերս Բանկը տեղաբաշխելու է Գլոբբինգի առաջին պարտատոմսերը
Կոնվերս Բանկը և Գլոբբինգը հայտարարում են համագործակցության ընդլայնման մասին։ Օրեր առաջ հուշագիրը ստորագրել են Կոնվերս Բանկի գլխավոր գործադիր տնօրեն Անդրանիկ Գրիգորյանը և Գլոբբինգի հիմնադիր տնօրեն Դավիթ Հարությունյանը՝ ազդարարելով համագործակցության մեկնարկը ընկերության պարտատոմսերի առաջին թողարկման և տեղաբաշխման հարցում։
Գլոբբինգի հիմնադիր տնօրեն Դավիթ Հարությունյանը նշել է. «2015թ.-ից Գլոբբինգը ձևավորում է օնլայն գնումների ոլորտն ու մշակույթը Հայաստանում, Ղազախստանում և Ուզբեկստանում։ Մենք ոլորտի առաջատարն ենք 10 տարի շարունակ և ոլորտի ամենամեծ հայկական ըներությունը՝ ԱՊՀ-ում: Մեր հաջորդ մեծ քայլը Գլոբբինգի պարտատոմսերի թողարկումն ու տեղաբաշխումն է Կոնվերս Բանկի հետ համատեղ, ինչն ապահովելու է բրենդի գլոբալ ընդլայնումը և միջազգային զարգացումը, նոր լոգիստիկ ուղղությունների ստեղծումը և, որն ամենակարևորն է, գնելով պարտատոմս՝ կդառնաք Գլոբբինգի միջազգային զարգացման կարևոր մասնակից»։
Կոնվերս Բանկի գլխավոր գործադիր տնօրեն Անդրանիկ Գրիգորյանը կարևորել է կորպորատիվ պարտատոմսերի դերը ֆինանսական ներգրավումների դիվերսիֆիկացման և կապիտալի շուկաներում ներկայացվածության աճի տեսանկյունից։ Նա ընդգծել է, որ Կոնվերս Բանկը պարտատոմսերի թողարկման և տեղաբաշխման մեծ փորձառություն ունի և այսօր Հայաստանի բիզնես համայնքին ներկայանում է որպես վստահելի, պրոֆեսիոնալ և համակողմանիորեն աջակցող գործընկեր։
Նա նշել է. «Ողջ աշխարհում, այդ թվում՝ Հայաստանում բիզնեսը հաճախ բախվում է ֆինանսավորման սահմանափակումների։ Առանց արտաքին ներգրավումների բարդանում է նրանց շարունակական աճն ու մրցունակությունը։ Պարտատոմսերի թողարկումն այս առումով արդյունավետ միջոց է՝ ընդլայնելու կապիտալը, բարձրացնելու թափանցիկությունը և ամրապնդելու հաճախորդների լոյալությունն ու վստահությունն ընկերության նկատմամբ։ Միաժամանակ թողարկողները, Հայաստանի ֆոնդային բորսայում ցուցակման դեպքում, հնարավորություն են ստանում օգտվելու պետական սուբսիդավորման ծրագրից, ինչը ևս էական խթան է թողարկող ընկերություններին խրախուսելու և կապիտալի շուկայի զարգացման համար»։
Գլոբբինգի պարտատոմսերի տեղաբաշխման մեկնարկը նախատեսվում է դեկտեմբերի 12-ին։ Գլոբբինգի հաճախորդները, ինչպես նաև հետաքրքրված ֆիզիկական և իրավաբանական անձինք, կկարողանան ներդրում կատարել Գլոբբինգի ՀՀ դրամով և ԱՄՆ դոլարով պարտատոմսերում՝ Կոնվերս Մոբայլ հավելվածի միջոցով կամ Բանկի ցանկացած մասնաճյուղում։
Կոնվերս Բանկը վերահսկվում է ՀՀ կենտրոնական բանկի կողմից:
Մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին․ Վահե Դավթյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Ինչպես և ակնկալում էի` ՀԷՑ-ի մեջ մտնելուն պես կառավարությունը որոշում է մտնել քաղաքացու գրպանը
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել