Իդրամի աշխատակիցները՝ «Օրրան» ցերեկային խնամքի կենտրոնի սաների գաղտնի Ձմեռ պապ (տեսանյութ)
Իդրամ ընկերության աշխատակիցներն այս տարի դարձան «Օրրան» ցերեկային խնամքի կենտրոնի շահառու ավելի քան 100 երեխաների գաղտնի Ձմեռ պապը։ Սիրով ու հոգատարութամբ ընտրված նվերներով ընկերության թիմը՝ տնօրեն Արսեն Քդենյանի գլխավորությամբ, այցելել է կենտրոնի գրասենյակ, հանդիպել երեխաների հետ ու վայելել տոնի ողջ հեքիաթը՝ երեխաների երգ ու պարի, գեղեցիկ ելույթների ներքո։ Երեխաներն էլ իրենց հերթին էին նվերներ պատրաստել հյուրերի համար՝ տոնածառի կավե խաղալիքներ, որոնք անպայման կհիշեցնեն լուսավոր օրվա մասին։
Իդրամ ընկերության ՄՌԿ ստորաբաժանման ղեկավար Աստղիկ Զիլֆիմյանը նշեց․ «Ցանկացած դեպքում, երբ որևէ դրական բան ես փոխանցում որևէ մեկին, արդեն ջերմ ու հաճելի զգացողություններ ես ունենում։ Բայց երբ տեսնում ես փոքրիկների, որոնք դրա կարիքն ավելի քան որևէ մեկն ունի, հուզմունքն ու զգացմունքները կրկնապատկվում են։ Իդրամի ողջ թիմը մեծ պատրաստակամությամբ ու սիրով է միացել այս նախաձեռնությանը։ Սա ուղղակի միջոցառում չէ, այլ երկար սպասված հանդիպում։ Բալիկները մեզ դիմավորեցին այնպիսի մթնոլորտում, այնպիսի միջոցառմամբ, որ հուզմունքը, ջերմությունն ու մեծ սերն իրենց հանդեպ ամբողջությամբ պարուրել է բոլորիս»։
«Օրրան» հաճախող երեխաների համար ոչ միայն նվերներն են կարևոր, այլև այն ուշադրությունն ու ջերմությունը, որ ստացան օրվա միջոցառումից, նշում է «Օրրան» երեխաների ցերեկային խնամքի կենտրոնի հիմնադիր Արմինե Հովհաննիսյանը․ «Երեխաները կարիքավոր ընտանիքներից են և անգամ փոքրիկ նյութական նվերը նրանց մեծ ուրախություն է պատճառում։ Բայց նաև պետք է ասեմ, որ երեխաները շատ ուրախանում են, երբ հյուրեր են ընդունում, զգում իրենց հանդեպ ուշադրությունն ու սերը։ Շատ ենք կարևորում այսպիսի այցերը, որովհետև մեր հյուրերը օրինակելի մարդիկ են և մենք ուզում ենք, որ մեր երեխաներն էլ սովորեն ու երբ մեծանան, իրենք էլ իրենց վրա բարեգործություն անելու պատասխանատվություն վերցնեն»,- եզրափակեց Արմինե Հովհաննսիայնը։
ԸՆԿԵՐՈՒԹՅՈՒՆԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է