Կաթողիկոսին քարով «սատկացնելու» կոչ անելու դեպքով Դատախազությունում քրվարույթ է նախաձեռնվել

Գառնիի բնակչի կողմից Կաթողիկոսին քարով «սատկացնելու» կոչ անելու դեպքով հունվարի 7-ին Գլխավոր դատախազությունում քրեական վարույթ է նախաձեռնվել:

«Վարույթը նախաձեռնվել է քրեական օրենսգրքի 330-րդ հոդվածի 2-րդ մասի 3-րդ կետի հատկանիշներով:

Կատարվում է նախաքննություն», – 24News-ին հայտնեցին Գլխավոր դատախազությունից:

Հիշեցնենք, որ 2025 թվականի դեկտեմբերի 28-ին՝ տարվա վերջին պատարագի օրը, որին մասնակցում էր Նիկոլ Փաշինյանը, Գառնու համայնքապետարանի աշխատակիցը ուղիղ եթերում, պատասխանելով իշխանական` Civic.am-ի հարցին՝ «Ի՞նչ պետք է անել, որ Կտրիճ Ներսիսյանը հեռանա», քաղաքացին պատասխանել էր. «Մի հատ քար տփեն գլխին, սատկացնեն»։

Մերի Մանուկյան