Վոլոդյա Գրիգորյանի սպանության դեպքի քննությունը մակագրվել է դատավոր Մուշեղ Արամյանին
Քննչական կոմիտեից երեկ՝ հունվարի 12-ին, հայտնեցին, որ 2 անձի մասով ավարտվել է 2025 թվականի սեպտեմբերի 24-ին Փարաքար համայնքի նախկին ղեկավարի, ՆԳՆ ոստիկանության աշխատակցի սպանության դեպքերի առթիվ նախաձեռնված քրեական վարույթի նախաքննությունը։
Գործը դատարան է ստացվել հունվարի 12-ին և մակագրվել է Երևան քաղաքի առաջին ատյանի քրեական դատարանի դատավոր Մուշեղ Արամյանին։
Ըստ մեղադրական եզրակացության՝ Գևորգ Հարությունյանին մեղադրանք է առաջադրվել այն բանի համար, որ նա Նարեկ Օհանյանի կողմից հանցագործության միջոցները կամ գործիքները, հանցագործության հետքերը նախապես խոստացված պարտակելու եղանակով օժանդակությամբ, վրեժի շարժառիթով դեռևս չպարզված հանգամանքներում և ժամանակահատվածում ապօրինի կերպով ձեռք է բերել և պահել ԱԿ-74 տեսակի ինքնաձիգ՝ ռազմամթերք հանդիսացող 5.45 մմ տրամաչափի առնվազն 28 փամփուշտներով, որից Վալոդյա Լևոնի Գրիգորյանին, Արծրուն Անուշավանի Գալստյանին և Կարեն Նորիկի Աբրահամյանին վրեժի շրժառիթով կյանքից զրկելու` սպանելու դիտավորությամբ, 2025 թվականի սեպտեմբերի 23-ին՝ ժամը 23:43-ին, կրակոցներ է արձակել վերջիններիս ուղղությամբ՝ սպանելով Վալոդյա Գրիգորյանին, Կարեն Աբրահամյանին և փորձել է սպանել Արծրուն Գալստյանին:
Նարեկ Օհանյանին մեղադրանք է առաջադրվել այն բանի համար, որ նա հանցագործության միջոցները կամ գործիքները, հանցագործության հետքերը նախապես խոստացված պարտակելու եղանակով օժանդակել է իր համագյուղացի և ընկեր Գևորգ Արտյոմի Հարությունյանին՝ 2025 թվականի սեպտեմբերի 23-ին՝ ժամը 23:43-ին, Վալոդյա Լևոնի Գրիգորյանին և Կարեն Նորիկի Աբրահամյանին վրեժի շարժառիթով ապօրինաբար կյանքից զրկելուն՝ սպանելուն, իսկ Արծրուն Անուշավանի Գալստյանի նկատմամբ սպանության փորձ կատարելուն՝ պայմանավորված իր հարազատ եղբոր՝ Գրիգոր Սոսի Օհանյանի, 2025թ. փետրվարի 5-ին Մերձավանում տեղի ունեցած վիճաբանության ժամանակ սպանության հանգամանքով:
Գևորգ Հարությունյանին մեղադրանք է առաջադրվել ՀՀ ՔՕ 155-րդ հոդվածի առաջին մասով 3 դրվագ և 355-րդ հոդվածի առաջին մասի հատկանիշներով։
Նարեկ Օհանյանին մեղադրանք է առաջադրվել ՀՀ ՔՕ 155-րդ հոդվածով։
Գևորգ Հարությունյանը և Նարեկ Օհանյանը կալանավորված են։
Հասմիկ Սարգսյան
Նողկալի շոու․ չզարմանաք, որ առաջիկայում Աննային տեսնենք ընդդիմության ցույցերին․ Զոհրաբյան
Եթե սա նախընտրական տեխնոլոգիա չէ, ապա սխալ է, եթե Հակոբյանը լինելու է պետական պահպանությունից դուրս
Խորտակվող նավը ժամանակին լքելը ոչ թե դավաճանություն է, այլ սթափ մտածողություն․ քաղաքագետ
Իսրայելի ուղղությամբ արձակվել է իրանական բալիստիկ հրթիռների առաջին ալիքը
Սեւանում 20-ամյա պայմանագրային զինծառայողին սպшնել են աղջկա պատճառով. անչափահասներ են ձերբակալվել. «...
Իրանի նկատմամբ իսրայելական ագրեuիան առաջին հայացքից «տարօրինակ» է թվում՝ իր ոչ հուժկու բնույթով
Իրանը բալիստիկ հրթիռներ է արձակել Բահրեյնում գտնվող ԱՄՆ ռազմածովային ուժերի լոգիստիկական օբյեկտի վրա
Առինջի բնակիչը ահազանգել է․կոտրել են տան պատուհանը, գողացել 9 հազար դոլար․ երկու անձ կալանավորվել է
Եվս 61 էլեկտրաշարժիչով տրանսպորտային միջոցի հայտարարատու կարող է օգտվել արտոնությունից
Իշխանությունները «զենք գտնելու» օպերացիա են սկսել. «Հրապարակ»