Պետք է լուծենք բնակարանային խնդիրները, որ հնարավոր լինի խթանել մեծ ընտանիքների ձևավորումը․ Կարապետյան
«Մեր երկրում վերջին ժամանակներս շինարարական բում է տեղի ունեցել, ինչը, չնայած աղտոտվածությանը, շատ դրական է։ Ես, որպես տնտեսագետ, ուրախ եմ շինարարական այդ բումի համար։ Սակայն կա խնդիր․ աշխատավարձերի մակարդակը համեմատաբար ցածր է, և այն չի բավարարում, որ բնակիչը հեշտությամբ կարողանա տուն գնել։ Հայաստանում տասնյակ տարիներ են պահանջվում, որ երիտասարդը սեփական բնակարան ձեռք բերի։ Իհարկե, այս իրավիճակը ոչ միայն Հայաստանում է, այլև այլ երկրներում, բայց այստեղ աշխատավարձերի ցածր մակարդակը դարձնում է խնդիրն առավել զգայուն»,– նշեց Նարեկ Կարապետյանն այսօր, հունվարի 20-ին, Սամվել Կարապետյանի 5 քայլերի ծրագրի ներկայացման ժամանակ։
Նարեկ Կարապետյանը ներկայացրեց առաջարկվող լուծումները․
«Մինչ այժմ հիփոթեքի օրենքով տոկոսը վճարում էր պետությունը, և սա լավ ծրագիր էր։ Սակայն անցած տարի ծրագիրը դադարեցվեց։ Այն ժամանակ պետությունը յուրաքանչյուր բնակարանի վրա ծախսում էր գնի մոտ 55%-ը՝ որպես օգնություն հիփոթեքի տոկոսի համար։ Մենք առաջարկում ենք նոր ներդրումային ծրագրեր շինարարական ընկերությունների համար։
Առաջին տարբերակն այն է, որ շինարարները բնակարաններ կհատկացնեն պետությանը, իսկ պետությունը դրանք կտրամադրի երիտասարդ և բազմազավակ ընտանիքներին՝ էժան գներով։ Երկրորդ տարբերակն այն է, որ շինարարները վաճառեն բնակարանները պետության կողմից սահմանված ֆիքսված գնով։ Սա չի փոխարինի շուկայական ընթացքը, այլ հնարավորություն կտա հասանելի բնակարաններ ունենալ երիտասարդ ընտանիքների համար։ Օրինակ, մենք կարող ենք ունենալ բնակարաններ, որոնց քառակուսի մետրի գինը կլինի մոտ 270,000 դրամ, ինչը թույլ կտա երիտասարդ ընտանիքներին ապահովել համեմատաբար մատչելի բնակարանով»,– ասաց Կարապետյանը։
Նարեկ Կարապետյանը շեշտեց նաև դեմոգրաֆիկ մարտահրավերը․
«Ըստ հարցումների՝ Հայաստանում ընտանիքները հազվադեպ են ունենում երրորդ կամ ավելի երեխա, և դա բացառիկ է՝ համեմատած այլ երկրների։ Մեր մայրաքաղաքում ավելի շատ երեխաներ են ծնվում, քան գյուղերում, ինչը հակառակ է համաշխարհային տենդենցին։ Բարձրագույն կրթություն ստացած ընտանիքներում երեխաների ծնունդը ավելի հաճախ է գրանցվում։ Մենք պետք է լուծենք բնակարանային խնդիրները, որ հնարավոր լինի խթանել մեծ ընտանիքների ձևավորումը և աջակցել երիտասարդ ընտանիքներին»,– ընդգծեց Կարապետյանը։
© ORAGIR.NEWS https://oragir.news/hy/material/2026/01/20/182910?fbclid=IwY2xjawPcHQ1leHRuA2FlbQIxMABicmlkETFHZ3g4OWVMdjdsa2V3b29Uc3J0YwZhcHBfaWQQMjIyMDM5MTc4ODIwMDg5MgABHiGxZiI072LYv6O5zeVsGfKQJYMzKvdLZpGpc4DhICMB2ZK8UcTwVTrTmfMk_aem_WgOLjcTbM9wEL-wkoqTEhg
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք