Մայր Աթոռը կարգալույծ քահանայից պահանջում է հանձնել Հովհաննավանքը և բնակարանի բանալիները
Հայաստանյայց Առաքելական Սուրբ Եկեղեցին 2 դատական հայց է ներկայացրել ընդդեմ Ստեփան Ասատրյանի (նախկինում Տեր Արամ)։ Եկեղեցին պահանջել է, որպեսզի դատարանը պարտավորեցնի Ստեփան Արտակի Ասատրյանին հետ վերադարձնել Հայաստանյայց Առաքելական Սուրբ Եկեղեցուն սեփականության իրավունքով պատկանող ք․Երևան, Շենգավիթ, Արշակունյաց պողոտա 54/3 շենք, 18 բնակարանը (այդ թվում՝ բնակարանի բանալիները)՝ վտարելով Ստեփան Արտակի Ասատրյանին (իր հետ բնակվող անձանց) նշված բնակարանից։ Եկեղեցին նաև պահանջում է Ստեփան Ասատրյանից հօգուտ Հայաստանյայց Առաքելական Սուրբ Եկեղեցու բռնագանձել դատական ծախսերը, այդ թվում՝ նախապես վճարված պետական տուրքի գումարը։ Այս մասին 24News-ը տեղեկանում է «Դատալեքս» դատական տեղեկատվական համակարգից։
Գործը դատարան է ստացվել հունվարի 22-ին։ Այն մակագրվել է Երևանի առաջին ատյանի ընդհանուր իրավասության քաղաքացիական դատարանի դատավոր Ռուբեն Բունիաթյանին։
Մյուս հայցադիմումով Եկեղեցին պահանջում է պարտավորեցնել Ստեփան Ասատրյանին վերադարձնել Հայաստանյայց Առաքելական Սուրբ Եկեղեցուն սեփականության իրավունքով պատկանող Արագածոտնի մարզի Աշտարակ համայնքի Օհանավան գյուղի Հովհաննավանքի եկեղեցին (այդ թվում՝ Եկեղեցու բանալիները)՝ արգելելով Ստեփան Արտակի Ասատրյանին մուտք գործել Հովհաննավանքի եկեղեցու հետևյալ հատվածները՝ Սուրբ Խորան, ավանդատուն և ատյան։ Նաև պահանջում է Ստեփան Ասատրյանից հօգուտ Հայաստանյայց Առաքելական Սուրբ Եկեղեցու բռնագանձել դատական ծախսերը, այդ թվում՝ նախապես վճարված պետական տուրքի գումարը։
Երկրորդ հայցը մակագրվել է Արագածոտնի մարզի առաջին ատյանի քաղաքացիական դատարանի դատավոր Մանուկ Մարգարյանին։
Նշենք, որ երկու հայցերն էլ դեռ վարույթ չեն ընդունվել։
Հիշեցնենք, որ 2025թ. հոկտեմբերի 21-ին Գարեգին Երկրորդ Ամենայն Հայոց Կաթողիկոսի Հայրապետական տնօրինությամբ կարգալույծ է հռչակվել Տ․ Արամ քահանա Ասատրյանը: Տնօրինության համար հիմք է ծառայել Արագածոտնի թեմի առաջնորդի զեկուցագիրը և Հայաստանյայց Առաքելական Սուրբ Եկեղեցու Մայր Աթոռ Սուրբ Էջմիածնի Պարգևների շնորհման և կարգապահական հարցերի հանձնախմբի եզրակացությունը։
Նշենք, որ Եկեղեցին մինչև 2026 թվականի հունվարի 15-ը ժամանակ էր տվել Ստեփան Ասատրյանին, որպեսզի վերադարձնի Եկեղեցուն պատկանող բնակարանի բանալիները։
Հասմիկ Սարգսյան
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա