«Համահայկական ճակատ» շարժման անդամները որոշակի ինտրիգ են պահպանում

Հայաստանի պաշտպանության նախկին նախարար Արշակ Կարապետյանի նախաձեռնած «Համահայկական ճակատ» շարժումն ակտիվորեն ծավալվում է, լուրջ աշխատանքներ է իրականացնում։ Թեև Արշակ Կարապետյանը դեռևս չի վերադարձել Հայաստան, սակայն նրա համախոհ Գևորգ Գևորգյանը հայտարարել է, որ Կարապետյանն անպայման վերադառնալու է, իսկ այս պահին արտերկրում ակտիվ աշխատանքներ է տանում իր նախաձեռնած շարժումը կյանքի կոչելու համար։

Հոկտեմբերի սկզբին, պաշտպանության նախկին նախարարի աղմկահարույց հայտարարությունից հետո, Գևորգյանը նշեց, թե իր «Ազգային ճակատ»-ով միանում են նոր ստեղծվող շարժմանը և ամեն ինչ անելու են գործող իշխանություններին հեռացնելու համար։ Շարժումն, ընդ որում, բավականին լուրջ գործ է իրականացրել, գրասենյակներ է բացել որոշ մարզերում, նաև կենտրոնական գրասենյակ Երևանի Հյուսիսային պողոտայում։

Ըստ մեր տեղեկությունների՝ գրասենյակներ են բացվում նաև Եվրոպայում, Ամերիկայի Միացյալ Նահանգների հայաշատ բնակավայրերում։ Կարապետյանը խոստացել է մեծ շնորհանդեսով ներկայացնել Նիկոլ Փաշինյանի դեմ ստեղծվող նոր, լայն շարժման գործունեության ուղիները և պատասխանել հանրությանը հետաքրքրող հարցերին։

Բնականաբար, ընդդիմադիր նոր շարժում ստեղծելը, հատկապես այս պայմաններում, չափազանց բարդ և աշխատատար պրոցես է, առավել ևս, որ դաշտում առկա ընդդիմադիր և փսևդո ընդդիմադիր քաղաքական ուժերն այնքան էլ հակված չեն նոր ազդեցիկ, երբեմն էլ իրենցից ավելի հզոր քաղաքական միավորին աջակցելուն։ Ընդհակառակը, փորձում և փորձելու են թիկունքից հարվածել։ Այս առումով հատկապես ակտիվ են լինելու գործող իշխանությունների հետ ծածուկ գործարքների մեջ գտնվող քաղաքական կեղծ ընդդիմադիր ուժերը։

Քաղաքական նոր շարժումն առաջին հերթին դրել է միասնականության և համախմբման խնդիր, իսկ գաղափարական բուն ուղղվածությունն ու մյուս կարևորագույն հարցերը կներկայացվեն առաջիկայում։

Շարժման անդամները որոշակի ինտրիգ են պահպանում տարբեր հարցերում, ինչը ևս սրել է հանրային լայն լսարանի հետաքրքրությունը։ «Համահայկական ճակատ» շարժման ղեկավար Արշակ Կարապետյանն ինքը, թե՛ իր տեսաուղերձում, և թե՛ ավելի ուշ տված հարցազրույցում ընդգծել է, որ ինքը հայամետ է և մեծ կապեր ունի ինչպես ՌԴ-ում, այնպես էլ ԱՄՆ-ում և Եվրոպական երկրներում, բայց գտնում է, որ հաշվի առնելով պատմությունը և աշխարհաքաղաքական իրողությունները, Հայաստանի հիմնկան գործընկերը շարունակում է մնալ Ռուսաստանը։

Հիշեցնենք՝ 2016 թվականին գլխավոր շտաբի հետախուզության վարչության պետի պաշտոնից ազատվելուց հետո Արշակ Կարապետյանն առնվազն մինչև 2018 թվականը եղել է Մոսկվայում Հայաստանի դեսպանության ռազմական կցորդը և հսկայական կապեր ունի ռուսական, թե՛ քաղաքական, և թե՛ ռազմական շրջանակներում։ Ի դեպ, ինչպես նշել էինք, Արշակ Կարապետյանի կապերը չեն սահմանափակվում միայն Ռուսաստանով, ընդ որում, եթե ՀՀ ղեկավարը լիներ Արշակ Կարապետյանի նման փորձառություն ունեցող որևէ գործիչ, այս վիճակում չէին լինի հայ-ռուսական հարաբերությունները և հնարավոր կլիներ կանխել Արցախի կորուստը։

Հայկ Առաքելյան

ԱԱ-27. Հայաստանի բասկետբոլի հավաքականը պարտվեց Ավստրիային Սպանություն՝ Երևանի կենտրոնում. կասկածյալը սպանվածի որդին է Եվրոպական խորհրդարանը հաջորդ շաբաթ բանաձև կքննարկի Հայաստանի հետ ԵՄ վիզաների ազատականացման վերաբերյալ Փետրվարի 25-ին, ժ.12:00-ից 18:00-ն, Շառլ Ազնավուրի հրապարակում տեղի կունենա «Երևանը կարդում է» խորագրով գրքի տոնը Լըկորնյուի հետ Երևան են մեկնել ռազմարդյունաբերական մի շարք ընկերությունների ներկայացուցիչներ․ Politico Դանակը ոսկորին է հասել, Փաշինյանը երկիրը մորթում է, ուժեղ դիմադրություն ենք ցույց տալու Ռուբլին էժանացել է․ փոխարժեքն՝ այսօր Հնարավոր են հաճելի անակնկալներ, նվերներ. փետրվարի 23-ի աստղագուշակ Օդի ջերմաստիճանն կնվազի 4-6 աստիճանով. ձյուն կտեղա՞ Տարադրամի փոխարժեքներն այսօր Ռուբեն Վարդանյանի նման մարդը, ով հսկայական գործեր է արել իր հայրենիքի համար՝ մինչև հիմա Բաքվի բանտում է․ Դավիթ Մանուկյան Ամերիաբանկի և BOGG-ի հաջող գործարքը կարող է էժան փողեր ու ներդրումներ բերել Հայաստան․ փորձագետ Օրերս լրացավ «ԱՊՐԵԼՈՒ» բարեգործական հիմնադրամի ստեղծման երկու տարին. Մարատ Գերասիմյան Կրթական ուղևորությունը դեպի ԱՄԷ հայ պատանի երաժիշտների համար ունեցավ մեծ հաջողություն Մյունխենում շահեցին բոլորը, բացի Հայաստանից. Մենուա Սողոմոնյան Արցախի իշխանությունների դեմ բռնաճնշումները գնալով ավելի են ուժգնանում ՌԴ անխոհեմ քայլը կարող է կրկին սրել հայ-ռուսական հարաբերությունները ԵՄ-ն և Հայաստանի իշխանությունները նոր հակառուսական նարատիվ են հորինել Նիկոլ Փաշինյանը մեկնել է Փարիզ՝ լեգիտիմացնելու ադրբեջանական սադրանքները Կասկածելի զանգվածներ՝ ձիթապտուղներում․ հանձնուք բերած քաղաքացին ձերբակալվել է
website by Sargssyan