Գ. Ծառուկյանն իր խոսքը գործի վերածելու օրինաչափությունը չխախտեց՝ Երևանը կարող է ունենալ «կանաչ» և բարվոք հասարակական տրանսպորտ

Hasmik Vardanyan-ը գրում է
Մայրաքաղաքային երթևեկության ներկայիս մեղմ ասած ոչ բարվոք վիճակի, դրա բարելավման ուղղությամբ ուղեվարձի թանկացման նեգատիվ և ոչ ականջահաճո խոսակցություններին զուգահեռ, հենց այս թեմային առնչվող այսօր մի շատ հաճելի ու կարևոր ինֆորմացիա ընկավ աչքովս: Խոսքը «Քինգ Լոնգ» ավտոմոբիլաշինական ընկերության և «Մուլտի Մոթորս» ընկերության համատեղ ուժերով Հայաստանում պաշտոնական ավտոսրահ բացելու փաստի մասին է: Չինական ընկերությունը ցուցադրության է ներկայացրել թե՛ էլեկտրական, թե՛ բենզինային, թե՛ գազով և թե՛ դիզելային վառելիքով աշխատող տարբեր չափերի ավտոբուսների մոդելներ, ինչը երևանյան երթևեկությունը կդարձնի ոչ միայն ավելի հարմարավետ, ապահով և բնապահպանական տեսանկյունից առավել արդյունավետ, այլ նաև կլուծի թերևս ամենակարևոր խնդիրը՝ ուղեվարձի բարձրացում տեղի չի ունենա, բայց արդյունքում էլ կունենաք ավելի բարվոք երթևեկություն և ՀՀ քաղաքացին կունենա հնարավորություն արժանապատվորեն երթևեկել հասրակական տրանսպորտով, ինչն այս պահին բացակայում է:
Քանի որ «Մուլտի Մոթորսը» «Մուլտի Գրուպ» կոնցեռնի կազմում է գտնվում և դրա սեփականատեը Գագիկ Ծառուկյանն է, կցանկանամ մեկ կարևոր հիշատակում ևս անել: Հիշում եմ ոչ վաղ անցյալում, երբ Երևանի քաղաքապետի ընտրություններն էին, ԲՀԿ-ն իր նախընտրական ծրագրում հենց այս նորամուծության, այս էկո-ավտոբուսների մասին էր բարձրաձայնում, նշելով, որ օր առաջ Երևանի կատաստրոֆիկ երթևեկությունը սպասարկող, ոչ պակաս կատաստրոֆիկ երթուղային տաքսիներին, պետք է փոխարինել էկոլոգիապես մաքուր (անծուխ) և ՀՀ քաղաքացիների համար արժանապատիվ հասարակական տրանսպորտով, որոնք պետք է տրվեին շահագործման արտոնյալ՝ լիզինգային 5 տարի մարման ժամկետով: Եվ այո այսօր ուրախ եմ, որ ունենք մի այնպիսի իրավիճակ, որ անկախ այն հանգամանքից, որ ԲՀԿ թեկնածուն չընտրվեց, այդուհանդերձ ի շնորհիվ կուսակցության ղեկավար Գագիկ Ծառուկյանի, մեր երկրում ևս ներդրվում է հենց այս նոր տրանսպորտային մոդելը և այստեղ խոսքը ոչ միայն էկո-ավտոբուսների՝ ՀՀ-ում ներդնելու մշակույթի մասին է, այլ նաև քաղաքական մշակույթի այն կարևորագույն նյուանսի, երբ խոստումներն անկախ ամեն ինչից, կատարվում են, այն է անգամ այդ ընտրություններին պարտություն կրելու դեպքում էլ, խոսքն այնուամենայնիվ գործի վերածվեց